بریگزٹ کے بارے میں میکرون اور جانسن کے درمیان تبادلہ خیال

اہل بیت(ع) نیوز ایجنسی۔ابنا۔ یورو نیوز کے مطابق فرانس کے ایوان صدر نے جمعے کے روز اعلان کیا ہے کہ فریقین کے درمیان ٹیلیفون پر یہ گفتگو جمعرات کے روز ہوئی۔

بریگزٹ کے بارے میں فرانس کے صدرامانوئل میکرون، بورس جانسن سے ملاقات بھی کرنے کا ارادہ رکھتے ہیں۔

میکرون حکومت کے وزیر مملکت املی ڈو مونش لن نے بھی تاکید کے ساتھ کہا ہے کہ بورس جانسن اگر اپنے فیصلے میں سنجیدہ ہیں تو انھیں اس پر یورپی یونین کو یقین بھی دلانا ہو گا۔

واضح رہے کہ برطانیہ کے وزیراعظم بورس جانسن نے اپنی پہلی تقریر میں اعلان کیا ہے کہ انھوں نے جو مہلت مقرر کی ہے اس کے اندر ہی برطانیہ، یورپی یونین سے علیحدگی اختیار کر لے گا خواہ کوئی سمجھوتہ طے پائے یا بغیر سمجھوتے کے ہی یہ قدم اٹھانا پڑے۔



/129